د ننګرهار بهسود کې د سبو غوره حاصلات
د ننګرهار دکرنې، اوبولګولو او مالدارۍ ریاست وایي، چې ددې ولایت د بهسودو په ولسوالی کې د سبو حاصلات ښه شوي دي.
د ننګرهار د چارواکو په خبره د ننګرهار دکرنې ریاست له خوا ددې ولسوالی پر یو شمېر بزګرانو د سبو لکه(پالک، شلغم، بېنډۍ، پیاز، رومي بانجان، توربانجان ملۍ) او د یوشمېر نورو سبو اصلاح شوي تخمونه وېشل شوي دي، چې له امله یې ددې ولسوالی د سبو حاصلات ښه شوي دي.
د کرنې وزارت د هېواد په کچه د بزګرانو د کروندو د حاصلاتو د زیاتوالی په پار پر دوی اصلاح شوي تخمونه او کیمیاوي سرې وېشي او ترڅنګ یې د دوی حاصلاتو ته د بازارموندنې په پار هم هلې ځلې کوي.
