ننګرهار کې پر ۲۳۰ ښځینه کروندګرو د شنوخونو اړونده توکي ووېشل شوې

۱ زمری ۱۳۹۸
د ننګرهار دکرنې، اوبولګولو او مالدارۍ ریاست ددې ولایت په شپږو ولسوالیو «کوټ، اچین، شیرزاد، چپرهار، خوګیاڼی او روداتو» کې پر ۲۳۰ ښځینه بزګرانو د شنوخونو اړونده توکي وېشلي دي.
د ننګرهار د کرنې ریاست چارواکي وايي؛ د شنوخونو اړوند دغه وېشل شوي توکي، چې د کرنې د ودې او کلیوالي پراختیا « CBARD » په همکارۍ چمتو شوې دي پر هرې کروندګرې مېرمنې «دواپاش، کراچی، بېلچه، رمبه، قیچي، اوبه پاش، دست کشې، کوداله او داسې نور اړین توکي.» وېشل شوي دي.
د ننګرهار د کرنې ریاست وایي له ددغو توکو څخه برخمن شوي بزګرانې ته په کورنیو باغچو کې د سبو او ترکاریو د کرکېلي په هکله روزنه هم ورکړل شوې ده.

له یادو مرستو څخه موخه په دې ولایت کې د شنوخونو دودول د بېوزلو مېرمنو ملاتړ او د بزګرو کورنیو د عوایدو زیاتول دي.