لوګر کې په ۲۰۰۰ اړمنو کورنیو نغدې پیسې ووېشل شوې
د لوګر ولایت مرکز په ګډون ددې ولایت د محمداغې او خروار ولسوالیو په ۲۰۰۰ اړمنو او بې سر پرسته کورنیو د خوړو نړیوالې ادارې (WFP) په مالي ملاتړ او د بشري قواوو د پراختیا ادارې (HRDA) په تخنیکي همکارۍ د کار په بدل کې د نغدې مرستې د شتمنیو جوړولو(Asset Creation) پروژې تر چتر لاندې ۲۰۰۰ ګټه اخیستونکو چې په کې ۱۸۰۰ نارینه او ۲۰۰ ښځینه اړمنو او بی سرپرسته کورنۍ شامل دي نغدې پیسې ووېشل شوې.
دغه مرسته د لوګر مرکز پل علم په ګډون ددې ولایت د محمدآغې او خروار ولسوالۍ په دوه زره اړمنو کورنیو وېشل شوي دي. د چارواکو په خبره دا میاشتنۍ نغدې مرستې دي، چې هر کس ته ۸۵۰۰ افغانۍ ورکول کېږي.
د یادونې وړ ده، چې نوموړی پروژه له دوو سکتورونو دکرنی، اوبولګولو او مالداری ریاست او د کلیو د بیارغونې او پراختیا ریاست سره په همغږۍ پلي کېږي.
