د بیرې ځنګل د پراختیا په پار هلې ځلې

د ننګرهار دکانال ریاست وایي، چې د یاد ریاست اړوند په څلورم فارم کې به ۶۰۰۰ د بېرې بوټي وکرل شي او د شاتو مچیو روزلو ته به لا زیات کاروشي. په دغه فارم کې اوسمهال څه د پاڅه درې زره د بېرې ونې کرل شوي او مېوه يې هم نېولې.
د ننګرهار د کانال ریاست چارواکي وايي: «د ننګرهار کانال په دویم او څلورم فارمونو کې څه د پاڅه ۲۱ زره د بېرې بوټي کرل شوي، او له ښه مرغه ننګرهارکانال ریاست پلان لري، چې څلورګونو فارمونو کې لا زیاتې د بېرې ونې وکري.» 
بېرې ونو د کر له برکته به د شاتو مچیو روزلو ته لا زیات پام وشي او ورسره به د مچیو روزونکو ستونزې به ترډېره بریده ختمې شي.
 د بېرې ونې شهد ( عسل ) په نړۍ کې زیات شهرت او مینه وال لري .
د بېرې میوه صحي او خوندوره ده، ونې يې تل شنې وي، کلنۍ وده یې نسبت و نورو ونو ته څو چنده زیاته ده.