د لوګر په محمدآغې کې په ۱۰۰ بزګرانو د ګلخونو جوړولو توکي ووېشل شول
۲۶ وږی ۱۴۰۱ه.ش
۲۰صَفَرالمظفّر ۱۴۴۴ ه.ق
د لوګر دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې (FAO) په مالي ملاتړ ددې ولایت د محمدآغې ولسوالی په ۱۰۰ بزګرانو د ګلخونو جوړولو اړونده توکي وېشلي دي.
د چارواکو په خبره ددغې مرستې په ترڅ کې په هر بزګر « لس دانې بانسونه، درېش متره چوکاټ، درېش متر چفتۍ، څلوردانې کړکۍ او یوه دروازه » وېشل شوي دي.
دغه راز د یادو توکو د وېش ترڅنګ دغو بزګرانو ته د ګلخونو د ارزښت او په ګلخونو کې د کرکېلي لارو چارو په هکله هم معلومات ورکړل شو.
له دغو توکو برخمن شوي بزګران ددې پروژې څخه د خوښۍ ترڅنګ دې ته ورته د نورو پروژو د پلي کولو غوښتونکي شول.
