د people in need مؤسسې په همکارۍ میدان وردګو ولایت کې یوشمېر پروژې پلي کېږي

۲۰ وږی ۱۴۰۱ه‍.ش
۱۴ صَفَرالمظفّر ۱۴۴۴ ه‍.ق
  د میدان وردګو ولایت کرنې، اوبولګولو او مالدارۍ ریاست وایي، چې د  people in need مؤسسې د مرکزي دفتر مشرې اغلې سیما جاوید سره په ناسته کې په دې ولایت کې دکرنې په برخه کې د بېلابېلو پروژو پر پلي کولو خبرې اترې وشوې.
په دې ناسته کې د کار په بدل کې د پیسو دوېش پروګرام له لارې د هغو کرنیزو ځمکو، ویالو او لښتیو جوړول، چې د وروستیو سېلابونو له لارې تخریب شوي دي، دغه راز دکرنې په برخه کې د اصلاح شویو تخمونو وېش، د بزګرانو لپاره د کرنې په بېلابېلو برخو کې روزنیز پروګرامونه په لاره اچول، د واټر شېډونو ایجادول او د کیمیاوي سرو وېش هغه موضوعات و، چې پرې خبرې وشوې. 
په همدې حال کې په دې ناسته کې د نیالګیو او علوفه یې نباتاتو ته اوبه زېرمې شي، ترڅو د خاورې د تخریب مخنیو وشي، دغه راز په دښتو او غرونو کې ډنډوکي یا ټراسونه جوړول، په خام او اساسي ډول د حوضونو جوړول ترڅو د وچکالۍ ستونزې هوارې شي، د ځنګلونو په برخه کې د نیالګیو او قوریو جوړول، د غله جاتو، صنعتي نباتاتو، سبو او علوفه یي نباتاتو اصلاح شوي تخمونه وېشل، د نباتي ناروغیو او افتونو اړوند درمل وېشل، د څارویو لپاره خوراکه او درمل او د مڼو مترکم بڼونه جوړول د مخکښو بزګرانو غوښتنې وې.