خوست کې د امارتي ځمکو د غصب مخنیوي په پار هلې ځلې

۴ زمری ۱۴۰۱ ه‍.ش
۲۷ ذوالحجَّة ۱۴۴۳ ه‍.ق
د خوست دکرنې، اوبولګولو او مالدارۍ ریاست چارواکي وايي، چې د امیرالمؤمنین هبت الله آخند زاده حفظ الله د فرمان په اساس او د کرنې وزارت هدایت سره سم په دې ولایت کې د ځمکې غصب سره د مبارزې کمېټې عملي چارې ګړندي شوي دي، چې په ترڅ کې یې په دې ولایت کې یوشمېر غصب شوې ځمکې بېرته راوګرځول شول.
دخوست دکرنې، اوبولګولو او مالدارۍ رییس مولوی عبدالصمد محمدي وویل: «د ځمکې غصب سره د مبارزې ولايتي کمېټې په هلوځلو نن د خوست په ولایت کې یوه اندازه امارتي ځمکه له غاصبینو خلاص او غاصبين عدلي او قضايي ارګانونو ته ور وپېژندل شول».
د دولتي ځمکو له غصب سره د مبارزې کمیټه د ولایت مقام، امنیه قوماندانۍ، د کرنې ریاست، د محکمو او څارنوالۍ، ښاروالۍ او د ښار جوړونې او ځمکو د ریاستونو له استازو څخه جوړه ده، چې مشري یې د کرنې ریاست کوي.