پکتیا کې ۸۳ بېوزله کورنیو ته د چرګانو کورني فارمونه جوړېږي
۲۶ چنګاښ ۱۴۰۱ ه.ش
۱۸ ذوالحجَّة ۱۴۴۳ ه.ق
د کرنې، اوبولګولو او مالدارۍ وزارت په هېواد کې د چرګانو د روزنې د ودې او د بېوزله کورنیو د اقتصادي ودې په پار داځل د پاملرنې مؤسسې(CARE) په همکارۍ د پکتیا ولایت د زرمت په ولسوالی کې ۸۳ بېوزله کورنیو ته د چرګانو واړه کورني فارمونو جوړولو لړۍ پیلوي.
دپکتیا د کرنې، اوبولګولو او مالدارۍ رياست وايي، چې د پاملرنې مؤسسې(CARE) په همکارۍ د دغو بېوزله کورنیو د اقتصادي پیاوړتیا په پار پر هرې کورنۍ ۱۰ د هګیو چرګان، د چرګانو خوراکي توکي او د چرګانو د روزنې اړوند نور اړین توکي وېشل کېږي.
د پکتیا د کرنې ریاست د چارواکو په خبره ددې مرستې موخه د چرګانو د روزنې صنعت ته پراختیا ورکول او مېرمنو ته په کور د ننه د کار زمینه برابرول او د دوی اقتصادي پیاوړتیا ده.
