ننګرهار کې ۳۱۴ ښځینه او نارینه بزګران وروزل شول
۲۲ چنګاښ ۱۴۰۱ ه.ش
۱۴ ذوالحجَّة ۱۴۴۳ ه.ق
د ننګرهار دکرنې، اوبولګولو او مالدارۍ ریاست د ژغورنې نړیوالې کمېټې «IRC» په همکارۍ ددې ولایت د کامې او کوز کونړ ولسوالیو ۳۱۴ ښځینه او نارینه بزګران روزلي دي.
د ننګرهار د کرنې ریاست چارواکي وايي، چې په دغو بزګرانو کې ۲۲۸ یې ښځینه او ۸۶ یې نارینه بزګران شامل دي، چې د دوی د وړتیا لوړونې په موخه دوی ته لس ورځنۍ روزنیز پروګرام په لاره اچول شوې وه.
دغه روزنیز پروګرام د ښځینه او نارینه بزګرانو د وړتیا لوړنې او د کرکیلي نویو لارو چارو سره د دوی د بلدتیا په موخه په لاره اچول شوې وه، ترڅو ښځینه بزګران له خپلو کورنیو باغچو او شنوخونو څخه ښه حاصلات راټول او د خپلو کورنیو اقتصادي ستونزې پرې هوارې کړي.
