غزني ولایت کې دوه زره او ۵۶ کسانو ته د کار په مقابل کې د نقدو پیسو ویش پیل شو

۴لیندۍ  ۱۴۰۰ ه ش 
۱۹ربیع الثانی  ۱۴۴۳ه ق 
د غزني ولایت د کرنې، اوبولګولو او مالدارۍ  ریاست دوه زره او ۵۶ مسلکي او غیرمسلکي کسانوته د کار په مقابل کې دوه دیرش میلیون افغانو د ویش لړۍ پیل شوه 
د غزني ولایت د کرنې، اوبولګولو او مالدارۍ ریاست چارواکې وایې، په غزني ولایت کې د کرنې، اوبولګولو او مالدارۍ  ریاست دوه زره او ۵۶ مسلکي او غیرمسلکي کسانوته د کار په مقابل کې دوه دیرش میلیون افغانۍ د DRC موسیسې  لخوا د کرنې ریاست په انګړ کې په شفاف ډول توزیع شوې. د یادو چارواکو په وینا، د دوه دیرش میلیونو افغانیو په لګښت سره په مرکز کې د اته ٨ کانالونو پخول، خواجه عمری ولسوالۍ کې دوه کانالونه او دوه حوضونه او مالستان ولسوالی کی دری کانالو او دریو حوضو جوړول شامل دي.