نورستان کې ۳۱۵۰ مالدارو کورنیو سره مرسته وشوه

۱۷ زمری ۱۴۰۰
د نورستان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «FAO» په همکارۍ ددې والیت په مرکز پارون او دوو ولسوالیو نورګرام او دواب کې ۳۱۵۰ کورنا ځپلو او بېوزله مالدارو کورنیو سره نغدې پیسې او د څارویو د خوراکي توکو مرسته وکړه.
د نورستان د کرنې ریاست چارواکي وایي، چې ددې مرستې په لړ کې هرې کورنۍ ته ۳۸۵۰ افغانۍ ورکړل شوې او ترڅنګ یې په یادو درې واړو اداري واحدونو کې ۳۴۵ ټنه د څارویو خوراکي توکي او ۳۴۲ لیټره درمل په یاود کورنیو وېشل شوي دي.
د چارواکو په خبره ددغو مرستو لړۍ دوام لري او په راتلونکې کې به له بېوزله کورنیو سره نورې مرستې هم ووشي. 
ددغو مرستو د وېش موخه د کرونا وبا له وجې د زیانمنو مالدارو کورنیو ملاتړ او د مالدارۍ ودې او پراختیا ته زمینه برابرول دي.