خوست کې د کورنیو باغچو جوړولو په پار د سبو تخمونه ووېشل شول
د خوست دکرنې، اوبولګولو او مالدارۍ ریاست د کرنې وزارت د کرنې او خوړو خودیتوب بېړنۍ پروژې «EATS» په همکارۍ ددې ولایت په یوشمېر کروندګرو د کورنیو باغچو جوړولو په پار د سبو اصلاح شوي تخمونه وېشلي دي.
د خوست د کرنې ریاست چارواکي وایي، چې د «EATS» پروژې په همکارۍ د نادر شاه کوټ ولسوالۍ د نوي کوټ دکانال په سیمه کې ۱۰۰ پکیجه، د شمل دشموڼي کانال په سیمه کې ۸۰ پکیجه او دلکڼو د ویسار کانال په سیمه کې ۱۰۰ پکېجه د سبو بېلابېل تخمونه پر کروندګرو وېشل شوي دي.
د خوست د کرنې ریاست د چارواکو په ټکو په ورته وخت کې دنادرشاه کوټ د نوي کوټ کانال، دشمل شموڼي کانال او دلکڼو د ویسار کانال تخنيکي سروې هم تر سره شوه، چې کارونه به يې په نږدې راتلونکې کې په عملي ډول پیل شي.
