کونړ کې په سیمه ییزو لارو چارو د وریجو اېشول او بخار ورکول
۱۶ وری ۱۴۰۰
د کونړ دکرنې، اوبولګولو او مالدارۍ ریاست د کرنیزو څېړنو انسټیټوټ او د جاپان د نړیوالو همکاریو ادارې «ریپا» په مرسته او همکارۍ د شولو درې ډوله «محلي، بسمتي، فارمل» سېلې تر څېړنې لاندې نیولي دي.
د چارواکو په خبره په دې څېړنه کې د وریجو یاد درې ډولونه په درې بېلابېلو وختونو «۲۰،۱۵ او ۲۵» د قیقو لپاره تر څېړنې لاندې نیول کېږي ترڅو د وریجو د کیفیت ښه والي لپاره د وریجو د بخار ورکولو مناسب وخت تشخیص شي.
ددې څېړنې موخه د وریجو دکیفیت لوړلو ترڅنګ د بزګرانو تولید شوي وریجو ته په کور دننه او بهر ښه مارکېټ پیداکول دي.
