د بزګر ورځې په مناسبت د کرنې، اوبولګولو او مالدارۍ وزيړ ډاکټر انوارالحق احدي پيغام!

بسم الله الرحمن الرحیم 

ټولو هېوادوالو، په ځانګړې توګه زیارکښو بزګرانو ته دې د بزګر مېله او نوي کال مبارک وي! 
دکرنې وزارت، په ۱۳۹۹یم کال کې د کرنې، اوبولګولو، مالدارۍ او طبیعي سرچینو په سکټورونو کې بېلابېلې پروژې پلي کړي دي.
له نېکه مرغه د اوبولګولو د پروژو په عملي کولو سره نږدې ۹۷ زره هکټاره ځمکې خړوبې شوي دي، چې په ټولیزه توګه د کرنیزو حاصلاتو د زیاتوالي لامل او په ځانګړې توګه د نورو کلونو په پرتله د غنمو او وریجو حاصلات زیات شول.
په ورته وخت کې، لسګونه زره هکټاره بڼونه او څه باندې لس زره ودانۍ، چې په کې صفر انرژۍ سړې خونې، د پیازو او کچالو زېرمتونونه شامل دي جوړ شول. 
له بده مرغه، په تېر ژمي کې د لږو ورښتونو له امله په ۱۴۰۰ کال کې د وچکالۍ شونتیا قوي ده.
حکومت په دې برخه کې اګاه ده او د پلانونو په طرحې سره، د شونیتا ترکچې به د وچکالۍ د ډېرو زیانونو مخه ونیسي.
په ۱۴۰۰ کال کې به د کرنې وزارت د بڼوالۍ، مالدارۍ او لبنیاتو د سکټورونو په پراختیا ډېره پاملرنه وکړي.
ځان بسیاینې ته د رسېدو او د افغانستان د بریا په هیله به زموږ هڅې روانې وي.
د سرلوړې او سمسور افغانستان په هیله