خوست کې د مالدارۍ او کرنیزو توکو خونه پرانیستل شوه
۱۲ تله ۱۳۹۹
د خوست د کرنې، اوبولګولو او مالدارۍ ریاست چارواکي وایي، چې په دې ولایت کې د مالدارۍ او کرنیزو توکو د تولیداتو خونه د یاد ولایت د یوشمېر سیمه ییزو چارواکو په شتون کې پرانیستل شوه.
دغه خونه د بزګرانو او مالدارانو د تولیداتو د ملاتړ په پار فعالیت کوي، چې ور سره به په دې ولایت کې د بزګرانو او مالدارانو تولیداتو ته د بازارموندنې په برخه کې اسانتیاوې رامنځته شي.
د یادې خونې د اداري چارو د پرمخ وړلو په پار چارواکي د ټاکنې له لارې ګمارل شوي دي. دغه خونه د مالدارۍ او کرنیزو توکو د تولیداتو په برخه کې فعالیت کوی.
