پکتیا کې یوشمېر بېوزله کورنیو ته غواوې ورکړل شوي دي
۲ زمری ۱۳۹۹
د پکتیا د کرنې، اوبولګولو او مالدارۍ ریاست چارواکي وایې، چې د«اړیکو دفتر» په همکارۍ ددې ولایت په مرکز ګردیز او دغه راز وزې ځدراڼ، سیدکرم او څمکنیو ولسوالیو کې ۲۵ بېوزله کورنیو سره د غواوو مرسته کیږي.
د پکتیا د کرنې رییس محمد دین مومند وایي، چې په یادو ولسوالیو کې د غواګانو د وېش په پار سروې شوې، چې د سروې له مخې د ۲۵ اړمنو کورنیو داقتصادي ودې په پار دوی ته غواوې ورکول کیږي. ښاغلی مومند وویل، چې تر دې دمه د مرکز ګردیز څلورو کورنیو، د وزې ځدراڼ درې، د سیدکرم دوه او د څمکنیو په ولسوالۍ کې یوه کورنۍ ته غوا روکړل شوې ده او پاتې ۱۵ نورو کورنیو ته به هم ډېر ژر ورکړل شي
ددې پروژې د پلي کولو موخه په دې ولایت کې د مالدارۍ سکټور ته پراختیا ورکول او د بېوزلو کورنیو اقتصادي ملاتړ دی.
