۳۱ غبرګولی ۱۳۹۹

د ننګرهار د کرنې اوبولګولو او مالدارۍ ریاست له خوا ددې ولایت د کامې ولسوالۍ د رضا بند د اوبولګولو د کانال د رغولو چارې بشپړ او ګټې اخیستنې ته وسپارل شو.

د ننګرهار د کرنې ریاست چارواکي وایي، دغه کانال چې ټولیز اوږدوالی یې ۴.۱ کیلو مترو ته رسیږي درې ۲۰۴ هکټاره کرنیزې ځمکې خړوبوي.

ددې پروژې ټولیز لګښټ ۱۱.۷۵ میلیونه افغانۍ ده، چې د کرنې وزارت د (SNaPP-2) پروژې له خوا تمویل شوی دی.

د اوبولګولو دیاد کانال د جوړولو په ترڅ کې د سیمې ۱۱۰۰ اوسیدونکو ته د کار زمینه هم برابره شوې وه. د یادونې وړ ده، چې د یاد کانال په جوړولو سره به د اوبو په ضایعاتو کې د پام وړ کمښت راشي او د کروندګرو د حاصلاتو د لوړېدو لامل به هم شي. یاد کانال ۴۰ سلنه د اوبو له ضایعاتو څخه مخنیوی کوی او همداراز د هغو ځمکو کرنیز محصولات به هم ۲۰ سلنه لوړ شي چې، د دې کانال له لارې خړوبیږي.