د نورستاني بزګرانو د کروندې خوندي کولو په پار هلې ځلې
۲۱ غبرګولی ۱۳۹۹
د نورستان د کرنې، اوبولګولو او مالدارۍ ریاست په دې ولایت کې د کروندګرو د کروندو خوندي کولو په پار هلې ځلې پیل کړي دي. د یاد ریاست چارواکي وایي، چې ددې ولایت په مرکز او واما ولسوالۍ کې د مور پدار او خیمه اچوونکو حشراتو د مخنیوي په پار کمپاین پیل شوی دی، چې ددې کمپاین په لړ کې به زیانمنې سیمې له مضره حشراتو خوندي شي.
د نورستان دکرنې ریاست وایي دوی هلې ځلې کوي، چې بزګران د کیمیاوي درملو د استفادې پر زیانونو وپوهوي او ددغو خطرونو د مخنیوي په پآر د افتونو او ناروغیو مخه په میخانیکي لارو چارو ونیسي ترڅو له صحي او اقتصادي پلوه ګټور تمام شي.
