ننګرهار کې کوچیانو ته د کرونا ویروس په هکله د عامه پوهاوی لړۍ پیل شو
۳۱ وری ۱۳۹۹
د ننګرهار د کرنې، اوبولګولو او مالدارۍ ریاست چارواکي وایي، چې د کرنې وزارت د کلپ-کوچي پروژې له خوا کوچیانو ته د کرونا ویروس یا کویډ-۱۹ ناروغۍ په هکله د عامه پوهاوی لړۍ پیل شوې ده.
د کرنې وزارت د کلپ-کوچي پروژه، چې د مالدارۍ د پراختیا ترڅنګ د انسانانو او څارویو ترمنځ د ګډو ناروغیو «زونوس» پر وړاندې د عامه پوهاوی په برخه کې هم کوچیانو مالدارانو ته چوپړونه وړاندې کوي، د مګړۍ کوچیانو ته د کویډ-۱۹ ناروغي په هکله د عامه پوهاوي لړۍ پیل کړی دی.
د عامه پوهاوی ترڅنګ به د کوچیانو ترمنځ د دودولو په پار به پر کوچیانو ماسکونه، دستکشې او څلور زره صابونونه هم ووېشل شي، چې د کرونا ویروس د مخنیوي په موخه ترې ګټه پورته کړي.
ددې ترڅنګ د کوچیانو ۳۵۰ کورنیو سره د څارویو د خوراکي توکو مرسته هم کیږي، هرې کورنۍ ته د څارویو ۵۰ کیلو ګرام خوراکي توکي ورکول کیږي، ترڅو د قرنطین په سختو شرایطو کې خپل څاروي پرې تغذیه کړي او له محصولاتو څخه یې ګټه پورته کړي.
