د ننګرهار لعلپورې ولسوالی دکوچنیو کاروبارونو تمویل په موخه پر لسګونو کورنیو نغدي مرسته ووېشل شوه
۲۷ غبرګولی ۱۴۰۵ هـ.ش
۱ مُحَرَّمُ الحَرام ۱۴۴۸ه.ق
د ننګرهارد کرنې،اوبو لګولو او مالدارۍ ریاست په هڅو د هالېنډ هېواد په مالي او د «کورډیډ»او «اواچ‌ډبلیو» مؤسسې په تخنیکي همکارۍ د ننګرهار په لعلپورې ولسوالی کې۱۰۰ بې وزله کورنیو لاسنیوي او کوچنیو کاروبارونو تمویل په موخه نغدي مرسته ووېشل شوه.
د ننګرهار د کرنې، اوبو لګولو او مالدارۍ رییس مولوي عبدالستار محمد وویل، چې ددې پروسې په ترڅ کې ددې ولسوالی ١٠٠ بې وزله او معیوبو کورنیو ته نغدي مرسته ووېشل شوه.
ښاغلي محمد وویل؛ هرې کورنۍ ته ١٢ زره او درې سوه پینځه شپیته افغانۍ ورکړل شوي.
دبشري خیریه مؤسسې «اواچ‌ډبلیو» د کرنې برخې مسؤل انجنیر هدایت الله ثنایي وویل، چې یادو کورنیو ته د نغدو پیسو د وېش موخه د بې وزله کورنیو لاسنیوي او د کوچنیو کاروبارونو پیلول او تمویل دي، ترڅو وکولې شي په راتلوونکي کې د خپلې کورنۍ لپاره د حلالې نفقي پیداکولو لامل وګرځي.
باید وویل شي، چې څو ورځې وړاندې په اچین او سپین غر ولسوالیو کې هم ١٤٧ ناچاره کورنیو ته نغدي مرسته وېشل شوې وه.
