د پکتیکا په ګومل ولسوالی کې د لرګیو د قاچاق مخه ونیول شوه
۱۶ غبرګولی ۱۴۰۵ هـ.ش
۲۰ ذُوالحجّة ۱۴۴۷ هـ.ق
د پکتیکا ولایت د کرنې، اوبو لګولو او مالدارۍ ریاست د ځنګلونو د ساتنې او د طبیعي شتمنیو د خوندیتوب په لړ کې د لرګیو د قاچاق یوه بله هڅه شنډه کړه.
د معلوماتو له مخې، دوه ټراکټورونه چې د نعمتآباد ولسوالی څخه یې د لرګیو بار د قاچاق له لارې د خیرکوټ ولسوالی پر لور لېږداوه، د ګومل ولسوالی د دهکلاګي په سیمه کې د کرنې ریاست د مسؤلینو او اړوندو ام.نیتي ارګانونو د ګډو هڅو په پایله کې ونیول شول.
د یادې پېښې په تړاو نیول شوي وسایط او لرګي د قانوني اجراآتو او نورو څېړنو لپاره اړوندو ادارو ته سپارل شوي دي. د پکتیکا د کرنې ریاست مسؤلین وایي، چې د ځنګلونو د غیرقانوني پرېکولو او د لرګیو د قاچاق د مخنیوي لپاره به خپلې څارنې او عملي اقدامات لا پیاوړي کړي.
د کرنې، اوبو لګولو او مالدارۍ وزارت له ټولو هېوادوالو غوښتنه کوي، چې د طبیعي سرچینو، په ځانګړي ډول د ځنګلونو په ساتنه کې له دولتي ادارو سره همکاري وکړي، ځکه ځنګلونه د هېواد ارزښتمنه ملي شتمني او د راتلونکو نسلونو امانت دی.
یاد وزارت ټینګار کوي، چې د قدرتي زېرمو د ساتنې په برخه کې به له سرغړونکو سره د نافذه قوانینو له مخې جدي او قانوني چلند ترسره کېږي.
