د خوست ځاځي میدان ولسوالی کې د ناکو او سرو املوکو بڼونه جوړېږي

۲۰ کب ۱۴۰۴ه‍.ش
۲۲ رَمَضانُ المُبارَک ۱۴۴۷ه‍.ق
د خوست ولایت د کرنې، اوبو لګولو او مالدارۍ ریاست اړوند د ځاځي میدان ولسوالی د کرنیزو چارو عمومي مدیریت تر نظارت لاندې او د «او‌آرډي» مؤسسې په همکارۍ، د دې ولسوالی په بېلابېلو کلیو کې د سرواملوکو او ناکو بڼونو جوړولو او رشقې تخمونو وېش په موخه ابتدایي سروې ترسره شوه. د یادې سروې موخه د پروژې د عملي کېدو لپاره د اړینو معلوماتو راټولول او د تطبیق لپاره د زمینې برابرول دي، څو دغه بزګران وکولای شي له یادو بڼونو څخه د خپل عاید د زیاتوالي او د خوړو د خوندیتوب په برخه کې ګټه واخلي.
د یادې سروې موخه په ځاځي میدان ولسوالی کې د بڼوالۍ سکتور پیاوړتیا، د بزګرانو د عوایدو زیاتوالی، د اصلاح شویو تخمونو ترویج او د کرنیزو محصولاتو د کمیت او کیفیت لوړول دي، ترڅو په اوږدمهال ډول د بزګرانو اقتصادي وضعیت ښه او کرنیز تولیدات وده ومومي.
د خوست ولایت کرنې، اوبو لګولو او مالدارۍ ریاست رهبري ژمنه ده، چې په راتلونکي کې به دې ته ورته پرمختیایي پروګرامونه دوامداره وساتي او د کرنې د سکټور د لا پیاوړتیا لپاره به عملي ګامونه پورته کړي.
د یادونې وړ ده، چې په نږدې راتلونکي کې به یادو سروې شویو بزګرانو د سرو املوکواو ناکو بڼونو جوړولو لپاره نیالګي او د رشقې تخمونه وویشل شي.