د کرنې وزارت له‌خوا ملي پراختیا شرکت ته ځمکه ولېږدول شوه
۱۲ کب ۱۴۰۴ه.ش
۱۴ رَمَضانُ المُبارَک ۱۴۴۷ه.ق
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د استملاک او بيا مېشتېدنې رييس مولوي عبدالعلي عمري، د ځمکو د انتقال او وېش رياست د تبادلې آمر او د دغه رياست کفیل مولوي محمد فاروق امرخېل او د ملي پراختیا شرکت د «جي‌ای‌اس» څانګې کارپوه انجنير عبدالحسيب صمدي ګډون درلود.، د کرنې وزارت د اراضۍ رياست له‌خوا د ملي پراختیا شرکت ته ځمکه ولېږدول شوه.
ياده ځمکه د ملي پراختیا شرکت په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ رياست له‌خوا ياد وزارت ته د کندهار ولايت دامان ولسوالی کې په ۴۹۴۸ متر مربع ځمکه باندې د اداري تعمیر د جوړولو په موخه ولېږدول شوه.
د یادې ځمکې لېږد ټړون د کرنې وزارت اراضۍ ریاست د استملاک او بيا مېشتېدنې رييس مولوي عبدالعلي عمري، د ځمکو د انتقال او وېش رياست د تبادلې آمر او د دغه رياست کفیل مولوي محمد فاروق امرخېل او د ملي پراختیا شرکت د «جي‌ای‌اس» څانګې کارپوه انجنير عبدالحسيب صمدي ترمنځ لاسلیک شوه.
