د کرنې وزارت لهخوا د کندهار د اوبو رسولو ریاست ته ځمکه ولېږدول شوه
۱۲ کب ۱۴۰۴ه.ش
۱۴ رَمَضانُ المُبارَک ۱۴۴۷ه.ق
د ا.ا.ا د زعیم عاليقدر امیرالمؤمنین حفظهالله تعالی ورعاه د حکم له مخې، د کرنې، اوبو لګولو او مالدارۍ وزارت د اراضۍ ریاست له لوري، د کندهار د ارغنداب ولسوالی په کوتل مرچه او سر کاري باغ سیمو کې ۱۱ جریبه امارتي ځمکه د کندهار زون ښاري اوبو رسولو او فاضلابو ریاست ته د ښار اوبو رسولو په موخه رسماً ولېږدول شوه.
د کندهار د کرنې ریاست د ځمکو د انتقال او وېش مدیر قاري عصمتالله فرهاد وایي، چې یاده ځمکه د ټولو قانوني او اداري مراحلو له بشپړېدو وروسته، د ګډ پلاوی په حضور کې یاد ریاست ته وسپارل شوه. د نوموړی په وینا، د انتقال شوې ځمکي څخه به نوموړي ریاست د ښاري اوبو رسولو او لاسرسي اسانتیا لپاره کار واخلي.
د یادونې وړ ده، چې تر دې وړاندې هم د عاليقدر امیرالمؤمنین حفظهالله تعالی په ځانګړي حکم، د کندهار په لوړ میوند ولسوالی کې ۴۸.۹۴ جریبه امارتي ځمکه د کندهار ښاروالۍ ته د عامه چوپړتیاوو چمتو کولو لپاره انتقال شوې وه.
