د ننګرهار دکرنې رییس د سوداګرۍ او کرنې خونې له چارواکو سره وکتل
۱۵ سلواغه ۱۴۰۴ه.ش
۱۶ شَعبان المُعَظّم ۱۴۴۷ه.ق
د ننګرهار د سوداګرۍ او کرنې خونې چاراکو د ننګرهار د کرنې رییس سره د خصوصي سکتور د پیاوړتیا په موخه وکتل.
د ننګرهار د سوداګرۍ او پانګونې خونې په استازولۍ ملي سوداګر حاجي ګل مراد عرب او د کرنې او مالدارۍ د تولیداتو خونې رییس حاجي اجمل رحماني د ننګرهار دکرنې رییس مولوي عبدالستار اخندزاده ته د ننګرهار کرنې رییس په توګه د بیا ځل ټاکل کېدو مبارکۍ ترڅنګ د خصوصي سکتور دپیاوړتیا په موخه وکتل.
ښاغلي ګل مراد عرب د سوداګرو ستونزې، غوښتني، وړاندیزونه دکرنې رییس سره شریک کړل.نوموړې وویل کوښښ کوي د سوداګرو دستونزو حل لپاره یوه مناسبه کړنلاره د نظام د اصولو مطابق جوړ کړي او پانګوالو د جذب لپاره زمینه برابره کړي.
د ننګرهار د کرنې، اوبو لګولو او مالدارۍ رییس مولوی عبدالستار اخندزاده راغلو سوداګرو ته د ښه راغلاست ترڅنګ د پانګوالو ستونزو حل او پانګونې دجذب لپاره د اصولو مطابق د همکارۍ ډاډ ورکړ.
