کونړ ته د کرنې وزارت د پلان لوی رییس او مل پلاوي سفر
۱۳ سلواغه ۱۴۰۴ه.ش
۱۴ شَعبان المُعَظّم ۱۴۴۷ه.ق
د کرنې، اوبولګولو او مالدارۍ وزارت د پلان او برنامو د همغږۍ لوی رییس، مولوي عبدالغفور د خپل مل پلاوي سره کونړ ولایت ته دخپل سفر په ترڅ کې د یاد ریاست له رییس مولوي محمد سرور صادق سره وکتل.
په دې لیدنه کې د کرنې وزارت د نظارت او ارزونې ریاست رییس امان الله شاهي، د پلان او برنامو لوی ریاست استازو او همدارنګه د کونړ د کرنې ریاست تخنیکي او مسلکي کارمندانو، آمرینو او مدیرانو ګډون درلود.
د کونړ د کرنې ریاست رییس مولوي محمد سرور صادق راغلي پلاوي ته د ښه راغلاست ترڅنګ خپله خوښي څرګنده کړه او مننه یې وکړه، چې کونړ ولایت ته یې تشریف راوړی دی.
د کرنې وزارت د پلان او برنامو د همغږۍ لوی رییس وویل، چې د دې سفر اساسي موخې د غیر دولتي ادارو مؤسسو او پراختیایي بودجې له لارې د ټولو تطبیق کېدونکو پراختیایي کرنیزو پروژو له نږدې څخه کتنه، نظارت، د شته ستونزو ارزونه او د پروژو د کیفیت او شفافیت ډاډ ترلاسه کول دي.
د ناستې په جریان کې د کونړ د کرنې ریاست اړونده برخو تخنیکي برنامو آمرینو د یاد ریاست تر چتر لاندې د ټولو جاري پروژو په اړه معلومات وړاندې کړل. یادې پروژې چې د پراختیایي پروژو او موسسو له لارې تطبیقېږي، په اړه یې لازم وضاحت او ډاډ ورکړل شو.
همدارنګه د کونړ د کرنې ریاست رهبری له لوري د یاد پلاوي څخه د موسساتو په کاري سیمو کې یو شمېر غوښتنې او وړاندیزونه شریک شول، چې د راغلي پلاوي له خوا ورته د همکارۍ ډاډ ورکړل شو.
