د کرنې وزارت لهخوا د ښاروالیو چارو د همغږۍ لوی رياست ته ځمکه ولېږدول شوه
۱۳ سلواغه ۱۴۰۴ه.ش
۱۴ شَعبان المُعَظّم ۱۴۴۷ه.ق
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ ریاست د استملاک او بيا مېشتېدنې رييس او د دغه ادارې کفیل مولوي عبدالعلي عمري، د ځمکو د انتقال او وېش ريیس حافظ عبدالکبير زاهد او د ښاروالیو چارو د همغږۍ عمومي رياست تخنيکي او مسلکي رييس قاري حزب الله حديد ګډون درلود.، د کرنې وزارت د اراضۍ رياست لهخوا د ښاروالیو چارو د همغږۍ لوی ریاست ته ځمکه ولېږدول شوه
ياده ځمکه د ښاروالیو چارو د همغږۍ عمومي رياست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ رياست لهخوا ياد رياست ته د کندز ولايت دشت ابدان ولسوالی کې په ۱۱۰۰ جريبه ځمکه باندې د نوي ښار د جوړولو، کندهار ولايت میوند ولسوالۍ کې په ۴۸.۹۴ جريبه ځمکه باندې د موټرو تم ځای، د ښاروالۍ لپاره تعمير او د دوکانونو د جوړولو او پنجشېر ولايت مرکز کې په ۵۹ جريبه ځمکه باندې د اداري کمپلکس د جوړولو په موخه ولېږدول شوه.
د یادې ځمکې لېږد ټړون د کرنې وزارت اراضۍ ریاست د استملاک او بيا مېشتېدنې رييس او د دغه ادارې کفیل مولوي عبدالعلي عمري، د ځمکو د انتقال او وېش رییس حافظ عبدالکبير زاهد او د ښاروالیو چارو د همغږۍ عمومي رياست تخنيکي او مسلکي رييس قاري حزب الله حديد ترمنځ لاسلیک شو.
