د کندهار میوند کې څلور جریبه ځمکه د مرافعه محکمې ریاست ته رسماً ولېږدول شوه
۲ سلواغه ۱۴۰۴ه.ش
۳ شَعبان المُعَظّم ۱۴۴۷ه.ق
د عاليقدر امیرالمؤمنین حفظهالله تعالی ورعاه د حکم له مخې، د کرنې، اوبو لګولو او مالدارۍ وزارت د اراضۍ ریاست له لوري، د کندهار د کرنې، اوبو لګولو او مالدارۍ ریاست په تخنیکي همکارۍ، د کندهار په کښته میوند ولسوالۍ کې څلور جریبه امارتي ځمکه د مرافعه محکمې ریاست ته د ابتدایه محکمې جوړولو په موخه رسماً ولېږدول شوه.
د کندهار دکرنې ریاست د ځمکو د انتقال او وېش مدیر قاري عصمتالله فرهاد وويل، چې یاده ځمکه د ټولو قانوني او اداري مراحلو له بشپړېدو وروسته، د ګډ پلاوي په حضور کې د مرافعه محکمې ریاست ته وسپارل شوه. د نوموړي په وینا، چې پر دې انتقال شوې ځمکه به د مرافعه محکمې ریاست له لوري ابتدایه محکمه جوړه شي.
د یادونې وړ ده، چې یوه اوونۍ وړاندې هم د عاليقدر امیرالمؤمنین حفظهالله تعالی په ځانګړي حکم، د کندهار په دامان ولسوالی نودې کلی کې ۵۰۰ جریبه امارتي ځمکه د صنعت او سوداکرۍ ریاست ته د یوه معیاري صنعتي پارک جوړولو په موخه لېږدول شوې وه.
