د کندهار نېش کې پر لسګونو بزګرانو د جوارو تخم او کیمیاوي سرې وېشل کېږي
۱ سلواغه ۱۴۰۴ه.ش
۲ شَعبان المُعَظّم ۱۴۴۷ه.ق
د کندهار د کرنې، اوبو لګولو او مالدارۍ ریاست په هڅو، د ملګرو ملتونو د خوړو او کرنې ادارې «افاېاو» په مالي او د کندهار کډوالو مؤسسې په تخنیکي همکارۍ د نېش ولسوالی ۱۳۰ تنه بېوزلو بزګرانو لپاره د جوارو اصلاح شوي تخم او کیمیاوي سرې د وېش په موخه د نوم لیکني لړۍ ترسره شوه.
د چارواکو په خبره، د نوم لیکني تر بشپړېدو وروسته به په راتلونکي نږدې وختونو کې هر انتخاب شوي بزګر ته ۱۲ کیلو د جوارو اصلاح شوی تخم، ۵۰ کیلو توره سره او ۵۰ کیلو سپینه سره ووېشل شي. همدارنګه له انتخاب شویو بزګرانو څخه به ۷ تنو ته عضوي سره او ۶ تنو ته د کمپوسټ جوړولو توکي هم ورکړل شي.
د یادې مرستي موخه د اصلاح شویو تخمونو، عضوي سرې او کمپوسټ جوړولو رواجول، د اړمنو بزګرانو ملاتړ او د کمي ځمکې څخه زیات حاصلات ترلاسه کول دي.
د یادونې وړ ده، چې یاده مرسته به په نږدې وختونو کې انتخاب شویو بزګرانو ته ووېشل شي، تر څو وکولای شي د روان کال لپاره خپله کرنه پر وخت ترسره کړي.
