د ننګرهار د کرنې ریاست: دبهسودو په ولسوالی کې ٥٠ جریبه ځمکه د ازادې دوطلبۍ په ترڅ کې په اجاره ورکړل شوه
۳۰ مرغومې ۱۴۰۴ه.ش
۱ شَعبان المُعَظّم ۱۴۴۷ه.ق
د ننګرهار د کرنې، اوبو لګولو او مالدارۍ ریاست د اجارو مدیریت له لورې د بهسودو ولسوالی خشکنبد سیمه کې ٥٠ جریبه ځمکه دګډ پلاوی په حضور کې په اجاره ورکړل شوه.
په داوطلبۍ کې ١٧ کرنیزو او مالدارۍ شرکتونو مالکینو ګډون کړي وو، چې دلطف الله فاروقي کرنیز او مالدارۍ خدمتونو شرکت د مسؤلینو نرخ تر نورو لوړ او د ګډ پلاوي له لورې ګټونکي اعلان شو.
د لطف الله فاروقي کرنیز او مالدارۍ خدمتونو شرکت مسؤلینو یاده ځمکه د بڼوالۍ او نورو کرنیزو چارو ترسره کولو په موخه په اجاره ونیوله.
د ننګرهار د کرنې،اوبو لګولو او مالدارۍ رییس مولوي محمد ولي محسن ګټوونکي شرکت ته د کرنې، اوبو لګولو او مالدارۍ وزارت او اجارو د قانون مطابق د اصولي اجرااتو ترسره کولو سپارښتنه وکړه.
