د هلمند موسی کلا کې یوشمېر بڼوالو سره مرسته وشوه
۲۴ لیندۍ ۱۴۰۴ هـ.ش
۲۴ جُمَادَى الثاني ۱۴۴۷ هـ.ق
د هلمند ولایت د موسی قلعه ولسوالی د کرنیزوخدمتونو مدیریت سره په همغږۍ، د یادې ولسوالی په بېلابېلو سیمو کې د سولې بنسټ خدماتي مؤسسې له لوري یوشمېر بڼوالو ته د یو جریب ځمکې په اندازه د انګورو نیالګي او یوریا سره ووېشل شول.
د مرستو د وېش پر مهال ددغې مؤسسې مسؤلینو څرګنده کړه، چې یادې مؤسسې تر دې وړاندې هم په موسی قلعه ولسوالی کې له کروندګرو او بڼوالو سره د کرنیزو چارو په برخه کې لازمې همکارۍ او خدمات ترسره کړي دي.
ددې مرستې موخه د بڼوالۍ سکټور ودې او پراختیا او ترڅنګ یې د بڼوالو اقتصادي ودې ته زمینه برابرول دي.
