د هلمند موسی کلا کې پر لسګونو بزګرانو اصلاح شوي عضوي سره ووېشل شوه
۲۰ لیندۍ ۱۴۰۴ هـ.ش
۲۰ جُمَادَى الثاني ۱۴۴۷ هـ.ق
د هلمند ولایت د کرنې، اوبولګولو او مالدارۍ ریاست لخوا، د موسی کلا ولسوالی د ترویج عمومي مدیریت په همکارۍ د افغان ایرک کمپنۍ له لوري، د حاصلاتو د ښه والي او زیاتوالي په موخه، ۴۵۰ کروندګرو ته اصلاح شوې عضوي سره (کمپوسټ) ووېشل شو.
د یادې پروسې د پیل پر مهال د موسی کلا ولسوالی د ترویج عمومي مدیریت کارکوونکو کروندګرو ته سپارښتنه وکړه، چې ورکړل شوې عضوي سره دې په خپلو ځمکو کې تطبیق کړي ترڅو په حاصلاتو کې یې زیاتوالی راشي.
د افغان ایرک کمپنۍ مسؤلینو هم کروندګرو ته د عضوي سرې د استعمال په اړه روزنه ورکړه او په دې پروګرام کې هر کروندګر ته ۵۰ کیلوګرامه عضوي سره ورکړل شوه.
کروندګرو د دې اقدام ستاینه وکړه او ویې ویل، چې مخکې هم د نورو مرستندویو موسسو له لوري ورته مرستې شوي، چې له امله یې په اقتصادي ژوند کې مثبت بدلون راغلی دی.
