د عشر او زکات کارکوونکو د ستونزو د حل په موخه د عشر او زکات رییس ننګرهار ته سفر وکړ
۱۱ لیندۍ ۱۴۰۴ هـ.ش
۱۱ جُمَادَى الثاني ۱۴۴۷ هـ.ق
د کرنې، اوبو لګولو او مالدارۍ وزارت د عشر او زکات ریاست لوی رییس مولوي ندا محمد عابد په ننګرهار کې د عشر او زکات کارکوونکو د ستونزو د حل او ښې همغږۍ په موخه د ننګرهار د کرنې رییس مولوی محمد ولي محسن او کارکوونکو سره ناسته ترسره کړه.
د ننګرهار د کرنې، اوبو لګولو او مالدارۍ رییس مولوي محمد ولي محسن د عشر او زکات لوی رییس مولوی ندا محمد عابد سره په ننګرهار کې د عشر او زکات کارکوونکو ستونزې، غوښتنې او وړاندیزونه شریک کړل.
ښاغلی محسن وویل، چې په تېر تشکیل کې د ولسوالیو د زکات مدیرانو بستونه له منځه تللي چې زموږ د عشر پر مدیرانو کاري حجم زیات شوي او په ښه شکل سیمو ته رسېدنه نشي کولي همدارنګه په ولسوالیو کې د امکاناتو او پدې برخه کې د عامه پوهاوي کموالي د عشر او زکات په راټولولو کې ستر خنډونه یاد کړل.
د عشر او زکات لوی رییسس مولوي ندا محمد عابد د ننګرهار د کرنې رییس څخه په ټولو برخو کې د عشر او زکات مدیرانو سره د پوره همکارۍ څخه مننه وکړه او د عشر او زکات کارکوونکو ته یي د محصولاتو او اموالو په راټولولو کې د شفافیت او د عشر او زکات د کړنلارې په اساس راټولولو ټینګار وکړ.
د عشر او زکات مدیرانو هم خپلې ستونزې او غوښتني د ښاغلي عابد سره شریکی کړې، چې د عشر او زکات د لوی رییس له لورې د حل ډاډ ورکړل شو.
