هلمند کې د غوښینو چرګانو د تولید په پار سلګونه زره هګۍ وارد شوې
۹ لیندۍ ۱۴۰۴ هـ.ش
۹ جُمَادَى الثاني ۱۴۴۷ هـ.ق
دهلمند ولایت د کرنئ، اوبولګولو او مالدارۍ ریاست په هڅو، د مالدارۍ او حیواني روغتیا آمریت سره په همغږۍ، په هلمند ولایت کې د محمد هلمندوال شرکت له لوري د مالدارۍ د پرمختګ په موخه له ترکیې هېواد څخه ۳۰۰ زره د غوښینو چرګانو هګۍ واردې شوې. دغه هګۍ به د غوښینو چرګانو نسل د تولید لپاره وکارول شي.
محمد هلمندوال خپله هېچري (دچرګانو د چیچیانو ایستلو ماشین) بېرته فعاله کړی دی، چې له دې کار سره به د چرګانو د تولید کچه لوړه شي او د تولیدونکو لپاره به لازمې اسانتیاوې برابرې شي.
یاد ګام د مالدارۍ په برخه کې یو مهم پرمختګ بلل کېږي او تمه ده، چې د هلمند په کچه د چرګانو د غوښو تولید لا پیاوړی شي.
