د قدرتي ځنګلونو پریکولو مخنیوي په موخه د خوږیاڼو ولسوالی چارواکو سره ناسته ترسره شوه

۲۶ لړم ۱۴۰۴ هـ.ش
۲۶ جُمَادَى الأول ۱۴۴۷ هـ.ق
د ننګرهار کرنې، اوبو لګولو او مالدارۍ ریاست اړوند د قدرتي سرچینو آمر او ورسره تخنیکي پلاوی خوږیاڼو  ولسوالی ته د ځنګلونو پریکولو مخنیوي او ځنګلو بیا رغولو په موخه سفر وکړ .
 د ننګرهار دکرنې ریاست د قدرتي سرچینو آمر قاري کاهون عبدالرحمن اتل او ورسره تخنیکي پلاوي خوږیاڼو ولسوالی ته د سفر په ترڅ کی ولسوال مولوي عثمان جوهري، امنیه قوماندان، استخباراتو مدیر او دفرامینو امر سره ناسته وکړه، او دځنګلونو د پریکولو مخنیوي، دغصب شوو څړځایونو په نښه کولو، ځنګل څارانو ګمارنې او  ځنګلونو بیا رغولو اوپراختیا د څارنې او ارزونې کمېټې او ساتونکو ګروپونو سره په همغږۍ د کارونو مخته وړلو خبرې وکړې، ترڅو دغه ملي شتمني ضایع نشي او زموږ ملي اقتصاد پیاوړي شي.
د خوږیاڼو ولسوال جوهري د کرنې ریاست تخنیکی پلاوی ته د هر راز همکارۍ ډاډ ورکړ او زیاته یی کړه، چې د کرنې ریاست کړنلارو په تطبیق کې به پوره همکاري وکړي.
د ننګرهار په ۱۱ ولسوالیو کې قدرتي ځنګلونه لري، چې پدې کې په ۷ ولسوالیو حصارک، خوږیاڼي، پچیراګام، کوټ، هسکه مېنه، شېرزاد او سپین غر کې د جلغوزیو په زیاته پیمانه ځنګلونه شتون لري.