هلمند کې د طبق ناروغي پر وړاندې د واکسینو کمپاین پیل شو
۷ مرغومي ۱۳۹۸
د هلمند د کرنې، اوبولګولو او مالدارۍ ریاست ددې ولایت په نوزاد، واشیر، ګرمسیر او موسی کلا ولسوالیو او دغه راز دهلمند په مرکز لښکرګاه کې د څارویو د طبق ناروغي پر وړاندې د واکسینو کمپاین پیل کړئ دی.
د هلمند د کرنې رییس زلمی الکو وایي، چې ددې کمپاین په لړ کې پر وړو او لویو څارویو د طبق شبږ زره دوزه واکسین پلي کیږي، چې ددې ولایت د څارویو د خوندي تابه په برخه کې ګټور ګام او د څارویو د طبق د ناروغي د کچې په ټېټولو کې مرسته کوي.
طبق یوه خطرناکه ناروغي ده، چې د اخته څارویو او محصولاتو سره دتماس په نتیجه کې په سرعت سره لېږدول کیږې.
ددې کمپاین په پلي کېدو سره د طبق ناروغي د پراختیا مخه نیول کیږي او ترڅنګ یې د مالدارانو مالونه خوندي او اقتصادي پیاوړتیا ته یې زمینه برابریږي.
