د غزني د کرنې ریاست د ولسوالیو کارکوونکو ته روزنه ورکړل شوه

۲۳ تله ۱۴۰۴ هـ.ش
۲۲ رَبِیعُ الْثاني ۱۴۴۷ هـ.ق
د کرنې، اوبولګولو او مالدارۍ وزارت په لارښوونه د غزني ولایت د کرنې، اوبولګولو او مالدارۍ ریاست لخوا د دې ولایت د ولسوالیو کارکوونکو ته یوه ورځنی روزنیز پروګرام ترسره شو.
د پروګرام په پیل کې د غزني د کرنې، اوبولګولو او مالدارۍ ریاست استازی د ګډونوالو هرکلی وکړ او له هغوی یې وغوښتل، چې د ورکشاپ موضوعاتو ته ځانګړې پاملرنه وکړي او په عملي ډګر کې ترې اغېزمنه ګټه واخلي.
د یاد پروګرام په ترڅ کی د پلان او «ام آی اس» مدیریت له خوا د باران سنجونو نصب لارې چارې، شمېرو او ارقامو ترتیبول، (کوبوسیسټم) او (اوپن کمره) په هکله هر اړخيز معلومات ورکول شول.
د پروګرام په پای کې د هرې ولسوالی مسؤل ته باران سنجونه وسپارل شول.