ننګرهار کې بڼوالو ته د ناروغیو مخنیوي اوبڼونو ښه مدیریت په موخه روزنه ورکړل شوه

۱۱ وږی ۱۴۰۴ هـ.ش
۹ رَبِیعُ الْأَوَّل ۱۴۴۷ هـ.ق 
د ننګرهار د کرنې، اوبو لګولو او مالدارۍ ریاست اړوند د پچیراګام او بټي کوټ ولسوالیو د بوټو ساتني مدیریت کارکوونکو له خوا د یادو ولسوالیو په بېلابېلو کلیو کې بڼوالو او بزګرانو ته په بڼونو کې دناروغیو مخنیوي  لارو چارو اود بڼونو ښه مدیریت په برخه کې روزنه ورکړل شوه.
 یادو بزګرانو ته دمنظم اوبو لګولو، سرې استعمال، ښاخه برۍ، هرزه وښو کنټرول، نرمکارۍ، کورني درملو جوړولو او د ناروغیو په وخت کې د کیمیاوي درملو د استعمال سپارښتنې ورته وشوي. همدارنګه د مېوو د ضایعاتو مخنیوي، دمېوې منظم راشکولو، درجه بندۍ، بازارموندنې او نورو اړونده برخو کې هم معلومات ورکړل شو، ترڅو بزګران پر ځان بسیا او له اقتصادي اړخه پیاوړي شي.