پکتیا کې د تور الماس ترنامه لاندې درې ورځنی نندارتون پرانیستل شو

۲۲ زمری ۱۴۰۴ هـ.ش
۱۹ صَفَر المُظَفَّر ۱۴۴۷ هـ.ق 
پکتیا کې د تور الماس ترنامه لاندې درې ورځنی نندارتون پرانیستل شو؛ د تور الماس ترنامه لاندی دغه نندارتون، چې د صنعت او سوداګرۍ وزارت په همکارۍ د یوه خصوصي شرکت لخوا جوړ شوی بېلابېل افغاني تولیدات پکې نندارې ته وړاندې شوې.
د تور الماس ترنامه لاندې دغه ستر نندارتون چې پکتیا پوهنتون کې پرانیستل شو د سیکارم احمدی بازار موندنې شرکت له لوري د صنعت او سوداګرۍ وزارت په همکارۍ جوړ شوی، چې بېلابېل افغاني تولیدات پکې نندارې ته وړاندې شوې ده.
په دغه نندارتون کې د پکتیا مرستیال والی شیخ انعام الله صلاح الدین، په مشری د ملکي اداراتو رییسانو، د کرنې اوبولګولو او مالدارۍ ریاست د عشر آمر مولوي زاهب الله ارسلا او د یاد ریاست کارکوونکي په ګډون د نندارتون له بېلابېلو غورفو څخه لیدنه وکړه، د یاد نندارتون په جوړولو یی خوښي اوښوده او زیاته یی کړه، چی د داسې نندارتونو دایرول به د تولیدونکو او بازار ترمنځ د یو ارطباتي پول  په رامنځته کولو کې یو مهم رول ولري.
د دې نندراتون ګډونوال او صنعت کاران د افغاني تولیداتو لا پراختیا په برخه کې دغه ډول نندارتونونه خورا ګټور بولي او هیله من دي، چې په دې سره به د هېوادوالو صنعت او سوداګرۍ لا وده وکړي.
د یادوني وړ ده، چې د تور الماس دغه نندارتون ګډونوال او صنعت کاران له مسؤلینو څخه غوښتنه کوي، چې دوی ته دې د افغاني تولیداتو بازار موندنې برخه کې لازمې اسانتیاوې او سهولتونه برابر کړي.