د کابل سروبي کې ۲ زره او ۵۰ څارویو ته د ټګ او لیونتوب واکسین تطبیق شو
۲۰ زمری ۱۴۰۴ هـ.ش
۱۷ صَفَر المُظَفَّر ۱۴۴۷ هـ.ق
د کابل ولایت د سروبي ولسوالی د کرنیزو چارو عمومي مدیریت د مالدارۍ د برخې مسؤل د شلټرنو موسسې له وترنر ډاکترانو سره په ګډه، د ماهیپر حوزې په بېلابېلو کلیو کې کوچنیو څارویو ته واکسین تطبیق کړ.
په دې لړ کې د ښویندۍ، ګوګامنډې، چینارې، زېړې تنګې او سرکاڼې په کلیو کې دوه زره او پنځوس (۲۰۵۰) شخوندوهونکو څارویو ته د ټګ ناروغۍ او لیونتوب پر ضد واکسین شول.
د سیمې مالداران د کرنې او مالدارۍ ریاست او یادې موسسې له همکارانو څخه د دې خدمتونو له امله خوښي څرګنده کړه او د دوی کار یې د مالونو د روغتیا او د ناروغیو د مخنیوي په برخه کې مهم وباله.
