د کرنې وزارت د اراضۍ لوی رياست لخوا صنعت او سوداګرۍ وزارت ته ځمکه ولېږدول شوه
۲۰ زمری ۱۴۰۴ هـ.ش
۱۷ صَفَر المُظَفَّر ۱۴۴۷ هـ.ق
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ ریاست د ځمکو د انتقال او وېش ريیس مولوي محمد سعید او د صنعت او سوداګرۍ وزارت د صنعتي پارکونو د ساتنې او د ځمکو وېش رييس مفتي احسان الله کامران ګډون درلود، د اراضۍ رياست لخوا صنعت او سوداګرۍ وزارت ته ځمکه ولېږدول شوه.
ياده ځمکه د کرنې وزارت د اراضۍ ریاست د ځمکو د انتقال او وېش رياست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ رياست لخوا یاد وزارت ته پنجشېر ولايت مرکز، رخه، شتل او حصه اول ولسواليو کې په (۱۰۹) جریبه ځمکه باندې د صنعتي پارک د جوړولو په موخه انتقال شوه.
د یادې ځمکې لېږد ټړون د کرنې وزارت د اراضۍ ریاست د ځمکو د انتقال او وېش رييس مولوي سيد محمد سعید او د صنعت او سوداګرۍ وزارت د صنعتي پارکونو د ساتنې او د ځمکو وېش رييس مفتي احسان الله کامران ترمنځ لاسلیک شوه..
