خوست ولایت کې د زیتونو او چارمغزو نیالګیو څخه لیدنه ترسره شوه

۱۴ زمری ۱۴۰۴ هـ.ش
۱۱ صَفَر المُظَفَّر ۱۴۴۷ هـ.ق
د خوست ولایت کرنې، اوبو لګولو او مالدارۍ ریاست اړوند باک ولسوالی کرنیزو چارو مدیریت د ملګرو ملتونو د خوړو او کرنې ادارې «اف،اې،او» په مالي همکارۍ، د باک ولسوالی توتاک سیمې کې د زیتونو او چارمغزو کېنول شویو نیالګیو څخه لیدنه ترسره کړه.
په دغه لیدنه کې د نیالګیو د ودې حالت، د خاورې او اوبو وضعیت، د ناروغیو نښې نښانې، او د پالنې څرنګوالی په دقت سره و ارزول شول. همداراز، د نیالګیو د لا ښه پرمختګ او حاصل ورکولو لپاره لازمې علمي او عملي سپارښتنې هم وړاندې شوې.
یاده لیدنه د کرنیزو چارو د پیاوړتیا، د بڼوالۍ د ودې، او د سیمه‌ییزو بزګرانو د اقتصادي حالت د ښه والي په موخه ترسره شوې ده.