د هلمند نادعلي ولسوالی کې لسګونو اړمنو کورنیو سره مرسته وشوه
۲۵ چنګاښ ۱۴۰۴ ه.ش
۲۰ مُحَرَّمُ الحَرام ۱۴۴۷ه.ق
د هلمند ولایت د کرنې، اوبولګولو او مالدارۍ ریاست د هڅو په پایله کې، د نادعلي ولسوالی د کرنې او ګډو ادارو د مؤظف پلاوي په حضور کې له ۲۰۰ اړمنو کورنیو سره د خوراکي غنمو مرسته وشوه.
یادې مرستې هغو کورنیو ته ورکړل شوې، چې د طبق ناروغۍ له امله یې خپل څاروي له لاسه ورکړي وو، او له جدي اقتصادي ستونزو سره مخ ؤ.
یاده مرسته د اړمنو کورنیو د حالت ښه والي او د خوړو تأمین په موخه ترسره شوه، چې دالړۍ به نورو ولسوالیو ته هم وغځول شي.
