خوست کې د کیلې ونو په وده او حاصل کې ښه پایله ورکړې ده
۱۸ چنګاښ ۱۴۰۴ ه.ش
۱۳ مُحَرَّمُ الحَرام ۱۴۴۷ه.ق
د خوست د کرنې، اوبو الګو او مالدارۍ رياست وايي، چې سږ کال په دغه ولايت کې د کېلې ونو ښه حاصل ورکړی دی.
د خوست دکرنې ریاست چارواکي وایي، چې ددې ولایت مرکز متون په نوي کوټکی کلي کې کیلې نیالګي اېښودل شوي وو، چې سږ کال يې مېوه نیولې او ښه نتیجه يې ورکړې ده.
د خوست دکرنې، اوبولګولو او مالدارۍ ریاست چارواکي وایي، چې د دغه ولايت خاوره او هوا د کيلې ونو لپاره مناسبه ده. د دوی په خبره دوی هڅه کوي په راتونکو کلونو کې په دغه ولایت کې د کیلو نور بڼونه هم کېږدي، څو کروندګر دغه لوري ته مخه کړي.
په افغانستان کې د کیلو کښت یوازې تودو سیمو لکه ننګرهار، لغمان، کونړ، او خوست کې امکان لري، ځکه هلته نسبتاً ګرمه هوا، مناسب رطوبت او د کیلې ونې ودې لپاره ښه خاوره شتون لري.
