کندهار کې د چرګانو فارمونو لپاره شپږ ټولنې جوړې او رسماً یې چارې پیل کړې
۱۶ چنګاښ ۱۴۰۴ ه.ش
۱۱ مُحَرَّمُ الحَرام ۱۴۴۷ه.ق
د کندهار د کرنې، اوبو لګولو او مالدارۍ ریاست د رهبرۍ او د مالدارۍ آمریت په تخنیکي همکارۍ د چرګانو فارمونو، دانې، جوزي، بیې تنظیم او ورته برخو لپاره شپږ ټولنې جوړې او رسماًیې خپلې چارې پیل کړې.
په دغو ټولنو کې د چرګانو د برخې ستونزو حل، مالي او اداري تنظیم، ټولنیزو چوپړتیاوو ته لاسرسی، د درملو د کیفیت او بیې کنټرول، د دانې د کیفیت او بیې تنظیم، او همداراز د جوزې د کیفیت او تنظیم برخې شاملي دي. دغو ټولنو ته د یوې ځانګړې غونډې په ترڅ کې رسمي مسؤلیتونه وسپارل شول.
د کندهار د مالدارۍ آمر حافظ حمیدالله، نوموړی اقدام یو پرځای او ارزښتناک ګام وباله او د یادو ټولنو له مسؤلینو سره یې د هر اړخیزې همکارۍ ډاډ ورکړ.
د اتحادیې رییس د غونډې پر مهال خپلې کړنې او راتلونکې موخې له ګډونوالو سره شریکې کړې. ګډونوالو د یووالي او همکارۍ ټینګار وکړ او خپلې نظریې او وړاندیزونه یې هم وړاندې کړل.
په پای کې د ټولنېغړي، د چرګانو فارم لرونکي او اړوند مسؤلین ګډونوالو ته ور وپېژندل شول او ورسره سم یې د یادو شپږو ټولنو چارې رسماً ور وسپارل شوې.
