د هلمند باباجي ولسوالی کې سلګونو څارویو ته د درملنې کمپاین تر سره شو

۱۶ چنګاښ ۱۴۰۴ ه‍.ش
۱۱ مُحَرَّمُ الحَرام ۱۴۴۷ه‍.ق
د هلمند ولایت د کرنې، اوبولګولو او مالدارۍ ریاست له خوا ددې ولایت د باباجي ولسوالی په بېلابېلو سیمو کې سلګونه څارویو د عامه روغتیا د پیاوړتیا په موخه وقایوي کمپاین ترسره شو.
په دغه کمپاین کې سلګونه کوچني او غټ شخوند وهونکيو څاریو (پسونه، وزې او غواوې) ته د پښو او خولې ناروغي واکسین، چې د خارښ او داخلي پرازیتونو ضد درمل دي او همدارنګه د کولمو د چینجیو ضد درمل ورکړل شوي دي.
یاد درمل د هلمند د کرنې، اوبولګولو او مالدارۍ ریاست اړوند د مالدارۍ او حیواني روغتیا آمرېت په هڅو د «ډي،سي،ای» دفتر له خوا چمتو شوي وو، چې د مسلکي حیواني روغتیاپالانو له خوا تطبیق شول.
د هلمند ولایت د کرنې ریاست مسؤولین وايي، چې دا ډول درملنیزې هڅې به د ولایت په نورو ولسوالیو کې هم دوام ومومي، تر څو د څارویو د ناروغیو مخه ونیول شي او د مالدارۍ سکتور ودې ته زمینه برابره شي.