د کرنې وزارت د اراضۍ لوی رياست لخوا کورنیو چارو وزارت او د ښاروالیو چارو د همغږۍ عمومي رياست ته ځمکه ولېږدول شوه
د کرنې، اوبولګولو او مالدارۍ وزارت د اراضۍ لوی ریاست کې جوړه شوې جلا جلا غونډو کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد، د کورنيو چارو وزارت د محاکمو د اړيکو مدیر پیام قادري او د ښاروالیو چارو د همغږۍ عمومي رياست تخنيکي او مسلکي رييس قاري حزب الله حدید ګډون درلود د اراضۍ لوی رياست لخوا کورنیو چارو وزارت او د ښاروالیو چارو د همغږۍ عمومي رياست ته ځمکه ولېږدول شوه
د معلوماتو له مخې د کورنيو چارو وزارت په غوښتنه او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا یاد وزارت ته د لوګر ولايت چرخ ولسوالی کې په ۴۰ جريبه ځمکه باندې د اداري تعمير د جوړولو په موخه انتقال شوه.
بلخوا د چارو ادارې د ښاروالیو چارو د همغږۍ عمومي رياست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا یادې ادارې ته دايکندي ولايت میرامور ولسوالی کې ۳۵۱ جريبه ځمکه د دغه ولسوالی د تفصيلي پلان د تطبيق په موخه انتقال شوه.
د دغو ځمکو د لېږد ټړون د کرنې وزارت د اراضۍ لوی ریاست د ځمکو د انتقال او وېش رييس مولوي سيد محمد سعید او د کورنيو چارو وزارت د محاکمو د اړيکو مدیر پيام قادري او دغه راز د ښاروالیو چارو د همغږۍ عمومي رياست د ځمکې د لېږ د تړون د کرنې وزارت د اراضۍ لوی ریاست د ځمکو د انتقال او وېش رييس مولوي سيد محمد سعید او د ښاروالیو چارو د همغږۍ عمومي رياست تخنيکي او مسلکي رييس قاري حزب الله حدید ترمنځ لاسلیک شوه.
