د خوست ولایت اسماعیل خېلو او مندوزیو کې یوشمېر بزګران وروزل شول
۱۰ چنګاښ ۱۴۰۴ ه.ش
۵ مُحَرَّمُ الحَرام ۱۴۴۷ه.ق
د خوست ولایت کرنې، اوبو لګولو او مالدارۍ ریاست تر چتر لاندې د اسماعیل خېلو او مندوزیو ولسوالی کرنیزو چارو عمومي مدیریت کارمندانو له لوري په مسلکي او فني ډول د شولو ننداریزو کروندو جوړولو په پار بزګرانو ته روزنه ورکړل شوه.
د یادو ننداریو کروندو جوړولو سره به د اسماعیل خېلو او مندوزیو ولسوالی بزګران د عصري او کرکېلې سره بلد شي، ترڅنګ به د انتخاب شوي بزګرانو شولو قطعات له نورو همجوارو سیمه ییزو شولو کروندو سره د ناروغیو پر وړاندې د مقاومت او لوړ حاصل ترلاسه کولو په برخه کې پرتله کړي، هم به ياد بزګران د راتلونکي فصل لپاره معياري او باکیفیته شولو تخم ولري اوترڅنګ یې نور بزګران به هم ورڅخه ګټه پورته کړي.
د یادونې وړ ده، چې یاد ننداریزې کروندې د کرنې سکتور ودې، عصري او میکانیزه کرکېلي ته د نورو بزګرانو د هڅونې په پار جوړېږي.
