هلمند کې د طبق او کانګو تبې ناروغۍ د مخنیوي په موخه درمل ووېشل شول
۴ چنګاښ ۱۴۰۴ ه.ش
۲۸ ذُو الحِجَّةِ ۱۴۴۶ه.ق
دهلمند ولایت د کرنې، اوبولګولو او مالدارۍ ریاست اړوند د مالدارۍ او حیواني روغتیا آمریت، د افغانستان لپاره د هالنډ کمیټې په همکارۍ، د ۲۴ سیمهييزو وترنرانو له لارې، د کانګو تبې او طبق ساري ناروغۍ د مخنیوي لپاره یو مهم وقایوي بهیر پیل شو.
په دغه وقایوي بهیر کې ټولټال ۸۴ زره څارویو ته درمل ورکول کېږي، چې موخه یې د طبق او کانګو تبې د ناروغیو درملنه او وقایه ده.
یاده ناروغۍ چې انسانان او څاروي دواړه له خطر سره مخ کوي، د مالدارۍ د برخې د کارپوهانو په وینا، د څارویو د تلفاتو او درنو اقتصادي زیانونو لامل ګرځي. دغه ناروغۍ د ناروغو څارویو له لارې انسان ته هم انتقالېدای شي، چې پر وخت وقایه یې د خلکو د ژوند ژغورنې او اقتصادي خوندیتوب لپاره خورا اړینه ده.
د هلمند ولایت د کرنې ریاست هڅه کوي، چې دغه وقایوي بهیر د ولایت له مرکز څخه تر ولسوالیو وغځوي، څو د کانګو تبې وژونکې ناروغي او د طبق ساري ناروغۍ د خپرېدو مخه ونیول شي، او د خلکو او څارویو روغتیا خوندي پاتې شي.
