ننګرهار کې نږدې ۳۳ زره څارویو ته د چنجیو ضد درملو د تطبیق چارې پیل شوې
۱۲ غبرګولی ۱۴۰۴ ه.ش
۵ ذُو الحِجَّةِ ۱۴۴۶ه.ق
د ننګرهار د کرنې، اوبولګولو او مالدارۍ ریاست په هڅو دافغانستان لپاره د هالینډ کمیټې په تخنیکي همکارۍ او د اروپایی ټولنې په مالي لګښت د ننګرهار ولایت په ۱۰ ولسوالیو کې څارویو ته دداخلي چنجیو ضد درملو د تطبیق چارې پیل شوې.
د ننګرهار د کرنې رییس مولوي محمدولي محسن وویل، چې د ننګرهار په حصارک، شېرزاد، خوږیانو، سره رود، رودات، چپرهار، کوزکونړ، کامه، بهسود او دره نور ولسوالیو کې ۳۲ زره او ۹۰۰ راسه څارویو ته د چنجیو ضد درملو د تطبیق چارې پیل شوي دي.
ښاغلي محسن وویل، چې د یادو درملو د تطبیق موخه په څارویو کې د داخلي پرازیتونو، چینجیو له منځه وړل، د محصولاتو زیاتوالي، د حیواناتو مړینې کچې کموالی او مالدارانو عاید لوړوالې په موخه ورکول کېږي.
دغه راز د هالینډ کمیټه په ننګرهار کې د درملو سربېره د هګیو چرګانو، حیوانې خوراکې وېش، حیوانې کلینیکونو، کوچني د خوراکې زېرمتونونو جوړولو او ګڼو نورو برخو کې هم د مالدارانو لاسنیوي کوي.
